Fëmija ndryshon tërësisht listën e dhuratave të…

Fëmija ndryshon tërësisht listën e dhuratave të Krishtlindjes me më pak se 36 orë deri tek Santa

Me pak më shumë se një ditë deri sa Santa të vijë, një fëmijë shtatëvjeçar ka ndryshuar totalisht mendimin e tij për dhuratat që dëshiron për Krishtlindje.

Në mes të shqetësimeve për furnizimet dhe një bonusi të pasigurt për Krishtlindje, një prind i kujdesshëm e sigurtoi që i biri të shkruante listën e dhuratave që herët.

“Ishte gati që në mesin e tetorit,” tha prindi. “Ai dëshironte gjëra për futboll – një top, porta, doreza për portier, fanellë…
“Thjesht, e donte futbollin. E dashuronte futbollin! Dhe vazhdoi ta dojë – deri sot në mëngjes.

“Tani, pas një bisedë të shkurtër që patëm dje mbrëma rreth yjeve, ai është i interesuar për hapësirën dhe dëshiron një teleskop.
“Futbolli është dukshëm ‘i mërzitshëm’ tani.

“Unë i shpjegova se ishte pak vonë për Santa-n dhe se xhuxhët ndoshta tashmë kishin bërë portën dhe kishin përpunuar fanellën e tij.
“Por fëmija tha se Santa është magjik dhe nëse mund të vizitojë të gjithë fëmijët në një natë, atëherë 36 orë parapërgatitje mjafton për të gjetur një teleskop super të avancuar që i lejon të shikojë krateret e Hënës.

“I shpjegova se kjo ide për hapësirën mund të ishte kalimtare dhe ndoshta më mirë të kërkonte diçka që i ka pëlqyer për një kohë të gjatë – pra futboll.
“Fëmija u përgjigj se zemra e tij tashmë është tek teleskopi dhe sigurisht Santa nuk mund të ishte aq i ftohtë sa t’i thyente zemrën në mëngjesin e Krishtlindjes.

“Unë tani po kërkoj në internet teleskopë, duke shpresuar që fëmija të bëjë diçka shumë të keqe sot, që të mund të shpjegoj pse dëshira e tij nuk u realizua.”

Fëmija tha: “Prindërit tashmë më kanë blerë të gjitha gjërat e futbollit që doja – janë të gjitha të mbështjella në dollapin e tyre.
“Por tani ka mundësinë që të më marrin edhe një teleskop.
“Eh, ia vlen të përpiqesh, apo jo?”